Reiðveganefnd Andvara ásamt Reiðveganefnd í Kjalarnesþingi hinu forna hafa staðið fyrir endurbótum og lagfæringum á línuveginum yfir Vatnsás og niður á milli Grunnuvatna. Leyfi fyrir þessum endurbótum fékkst hjá Landsnet ohf. sem er veghaldari línuvega, bæjarstjóri Garðabæjar veitti leyfi bæjaryfirvalda fyrir framkvæmdunum. Ekki fékkst leyfi bæjaryfirvalda til að fara lengra en að hliðinu niður í Grunnuvatnaskarðið 1,72 km. Deiliskipulagsvinna fyrir Heiðmörk stendur yfir og ekki útséð með endanlega legu reiðstígs um Grunnuvatnaskarð. Vonast er til að það verði klárt fyrir næsta vor og að tenging náist þá við Andvarahverfið úr Grunnuvatnaskarði. Þar fengist u.þ.b. 6 km. skemmtilegur hringur um Grunnuvötn og Vatnsás, í nálægri framtíð er svo fyrirhuguð tenging reiðstígs frá Grunnuvötnum í Hjalladal í Heiðmörk. Þetta svæði nýtur hverfisverndar og friðunnar.
Reiðveganefnd Andvara hefur einnig staðið fyrir endurbótum og lagfæringum á línuveginum sunnan Guðmundarlundar. Stuttur en skemmtilegur hringur, upp breyttan reiðstíg í Sandahlíð á línuveginn, að Arnarbæli og á reiðstíginn að Guðmundarlundi, í Básaskarð og á Kjóavelli. Samtals eru endurbætur og lagfæringar á reiðstígum í nágr. Kjóavalla nú á haustmánuðum um 3 km.
Þeir sem ætla skipta um möl í gerðinu hjá sér á Kjóavöllum og Heimsenda er er heimilt að losa sig við gömlu óhreinu mölina í hrúgur við kerrustæðið á Kjóavöllum og Andvari mun nýta þessa möl m.a. í ofaníburð eða undirlag í reiðstíga og til að gera braut utan um hringgerðið og æfingargerðið.
Miðvikudaginn 22. apríl, verður hinn árlegi umhverfisdagur haldinn beggja vegna Kjóavallanna kl. 17:00-19:00
Lesa meira
